در پاسخ به لطفی که در شعر زیبایشان نسبت به بنده داشته اند :

سن خیال ائتمه کی سسلنمه گه قورخاندی سسیم              

سسله گور سسدی بو ، یا رعد خروشاندی سسیم

بیلیرم تیتره دیرم قصرینی خوش گونلو لرین                          

 آمما غم خسته سینین دردینه درماندی سسیم

گونشی گویده دانان یئرده دانالار بیزی ده                                 

متن تاریخی دانان باشلارا چوگاندی سسیم

 قولاغی سسده دی گئچمیشلره آیدین باخیرام                      

سنجبددن اوجالان سسلره قورباندی سسیم

اصلیمی اصلی دانانلار کیمی دانماز شرفیم                          

 ارسلان اوغلویام ، اوز خلقیمه ائلباندی سسیم

کسه لر باشیمی آخماز یئره بیر قطره قانیم                            

وطن عشقینده آخان قانلارا تاواندی سسیم

 دئمه یین فایداسی یوخ خلقه اوجالمیش بو سسین              

 گله جک فلسفه سین یازماغا عنواندی سسیم

 نه یاتیبسان آییل آی کندی یادینان چیخادان                          

وئرمه سه ن سس سسیمه اوندا پریشاندی سسیم

 امیری گورسه بیری قانلی دنیزلرده گورر                              

 چوخ یاخین گلمه کی بیر قورخولو طوفاندی سسیم .